كتاب و رواية رااااااااااااااااااااائعةجدا
مش عارفة اقول ايه لكن فعلا الرواية و زي مابيتقال
A real page turner
انا فجأة بعد 3 ايام لقيت نفسي في صفحة 508.....و ده وسط قعادي مع بناتي و مشغوليات البيت كمان
و أنا سبحان الله بقالي فترة طويلة مكسلة في موضوع القراءة ده و تقيل على قلبي ......أو بالأصح انا مش مركزة كفاية اني امسك كتاب على بعضه و أخلصه
لكن مع ربع جرام لقيت نفسي مركزة جدا و عايزة اخلص الكتاب
كل ما اقرا عن حد من أصحاب صلاح اللي ماعدوش و ضاعوا أحزن.....دلوقت كمان كل ما أقابل حد لازم اقوله هات الرواية و اقرئها
الرواية فعلا حقيقية جدا و الكلام قريب جدا من الواحد ......ومن غير فزلكة كتير...الكاتب / عصام يوسف بيقول الكلام زي ما هو من غير بهارات و من غير كلام السينما و المسلسلات الهبلة....يا سلام لو كان الكلام ده اتكتب ايام ما عملوا الفيلم العبيط جدا...المدمن... للعبقري جدا ....أحمد زكي
و اللا قبل ما يعملوا الفيلم الخطيئة بتاع الحج اللي ما يتسماش اللي عالج نفسه بعسل النحل و القرآن...ما علينا ...خلينا تاني نرجع للرواية العبقرية...اللي ضحكت و انا بقرئها من قلبي..و كمان عيطت فيها من القلب
الرواية تحكي قصة صلاح"صاصو"الفتى الملل و رحلته مع المخدرات ثم مع التعافي....و في
اثناء ذلك نقابل عشرات الشخصيات التي لها نفس قصة البطل و لكن بتفاصيل مختلفة....
أرى أن أهم ما تفعله هذه الرواية هي انها تفتح الباب امامنا لنرى ذلك عالمين مختلفين تماما....عالم المخدرات ...و عالم زمالة المدمنين المجهولين و الاثنى عشر خطوة
عصام يوسف العبقري....شكرا
Posts
No comments:
Post a Comment